Բեն Լադենը զիջում է իր դիրքերը

Բեն Լադենն այլեւս չի համարվում թիվ մեկ ահաբեկիչն աշխարհում: Ինչպես հայտնել է ԱՄՆ հակաահաբեկչային կենտրոնի ղեկավար Մայքլ Լեյթերը, հիմա ԱՄՆ-ի համար ավելի մեծ վտանգ է ներկայացնում եմենցի ահաբեկիչ Անվար  ալ Ավալկին, ով ահաբեկչական բոլոր գործողությունները կարգավորում է համացանցի միջոցով:

Ավալկին ծնվել է ԱՄՆ –ում` եմենցի ներգաղթյալների ընտանիքում: Կոլորադոյի համալսարանում սովորելու տարիներին սկսել է հարել ծայրահեղ իսլամիստական խմբավորումների:

Ենթադրվում է, որ այս պահին ահաբեկիչը գտնվում է Եմենում  կամ Սոմալիում:

Իսկ բեն Լադենը, ըստ ԱՄՆ հակաահաբեկչային կենտրոնի, այս պահին Պակիստանի եւ Աֆղանստանի սահմանին գտնվող լեռնային մի վայրում է: