Ֆուտբոլիստները ստիպված են ընտրել օլիմպիադայի և Եվրո-2012-ի միջև

Ազգային հավաքականների ֆուտբոլիստները 2012-ին ընտրություն պետք է կատարեն միևնույն ժամանակահատվածում անցկացվող երկու առաջնությունների միջև. նրանք պետք է մասնակցեն կա'մ Եվրոպայի առաջնությանը, կա'մ Լոնդոնի օլիմպիական խաղերին: Եվրոպական ակումբների ասոցիացիան բողոքել է այն որոշման դեմ, որ միևնույն խաղացողները մասնակցեն երկու մրցաշարերին էլ: Կազմակերպության փոխնախագահ Ումբերտո Գանդինին հայտարարել է, որ նպատակահարմար չէ, որ ֆուտբոլիստները ընտրություն կատարեն:

«Մենք դիմեցինք ՈՒԵՖԱ, որպեսզի նրանք բանաձև ընդունեն: Եթե խաղացողը ելույթ է ունեցել Եվրոպայի առաջնությունում, ապա պլիմպիադային չպետք է մասնակցի: Չի կարելի ֆուտբոլիստներին թույլատրել նման կարճ ժամանակահատվածում երկու խոշոր մրցաշարի մասնակցել»,- ասել է Գանդինին:

Իր հերթին, «Մանչեսթեր Յունայթեդի» տնօրեն Դեւիդ Հիլը պաշտպանել է Գանդինիի տեսակետը. «Սա առողջ մոտեցում է: Մենք ուրախ ենք մեր խաղացողներին ուղարկել օլիմպիադա, քանի որ դա սպորտային կարևորագույն իրադարձությունն է, սակայն ոչ ի վնաս ֆուտբոլիստների»: