Կուրիլյան կղզիներ այցը աններելի վիրավորանք է

Ճապոնիայի վարչապետ Նաոտո Կանը ՌԴ նախագահ Դմիտրի Մեդվեդեւի այցը Կուրիլյան կղզիներ «աններելի վիրավորանք» է համարում, սակայն, ըստ նրա, Ճապոնիան պատրաստ է բանակցել կղզիների պատկանելությունը որոշելու եւ երկու երկրների միջու խաղաղ պայամանագիր կնքելու հարցերում. տեղեկացնում է «Ֆրանս պրես» գործակալությունը:

Վարչապետը հայտարարությամբ հանդես է եկել այսօր, երբ երկիրը նշում է Հյուսիսային տարածքների, այդ թվում՝ Կուրիլյան կղզիների օրը: Կանը Տոկիոյում անցկացվող հանրահավաքի ժամանակ պահանջել է, որ Ռուսաստանը վերադարձնի Իտուրուպ, Կունաշիր, Շիկոտան եւ Հաբոմաի կղզիները:

Ռուսաստանյան «Նովոստի» գործակալության տվյալներով՝ Ճապոնիայի մայրաքաղաքում Կուրիլյան կղզիները վերադարձնելու պահանջով բողոքի ակցիաներ են անցկացվում: Մասնավորապես՝ մի խումբ երիտասարդներ պղծել են Ռուսաստանի դրոշը: ՌԴ դեսպանատունը պաշտպանվում է ոստիկանների կողմից: