Դրոգբան վերադարձել է

«Չելսիում» հանդես եկող Դիդիե Դրոգբան վերադարձել է Կոտ դ' Իվուարի հավաքական:

Թիմի գլխավոր մարզիչ Ֆրանսուա Զաուն նրան ընդգրկել է հավաքականի կազմում` փետրվարի 8-ին Մալիի ընտրանու դեմ ընկերական հանդիպմանը մասնակցելու համար: Հանդիպումն անցնելու է  Վալանսում: Այս մասին հաղորդում է Reuters-ը:

Դա Դրոգբայի առաջին խաղը կլինի վեցամսյա ընդմիջումից հետո: Վերջին անգամ  հարձակվողը ազգային հավաքականի մարզաշապիկով ելույթ է ունեցել ՀԱՀ-ում` անցած աշխարհի առաջնությանը Կորեայի Ժողովրդադեմոկրատական Հանրապետության դեմ խաղում` 3:0:

Աշխարհի առաջնությունից հետո Դրոգբան հայտարարել էր, որ ժամանակավորապես դադարեցնում է միջազգային կարիերան, քանի որ ցանկանում է ամբողջությամբ կենտրոնանալ «Չելսիի» խաղերի վրա: