Տատիկներ և պապիկներ, առայժմ դուրս մի եկեք

Երեկվա դրությամբ` Երևանի Կոմիտասի անվան պողոտայի մայթերը դեռևս մաքրված չէին ձյունից: Դա նկատելի էր հատկապես Գյուլբենկյան խաչմերուկից մինչև Վրացական խաչմերուկ հատվածում:

Գրանցվել են սառցակալած մայթերին սայթաքելու բազմաթիվ դեպքեր, որոնցից մեկի ականատեսը եղանք և անցորդների հետ օգնություն ցուցաբերեցինք տուժածին մինչև շտապ օգնության մեքենայի հասնելը:

Փաստորեն, քաղաքային պատկան մարմիններին առատ ձյունն անակնկալի է բերել` ցուցադրելով, որ նրանք ամենեւին էլ պատրաստ չեն եղել փողոցներն ու մայթերը ձյունից մաքրելու աշխատանքներին:

Մեզ մնում է խնդրել մեր տատիկներին ու պապիկներին, որ, հանուն իրենց առողջության, առայժմ տանից դուրս չգան: