Հղի կանանց նպաստները կկրճատվեն

Դեկտեմբերի 9-ին, ժամը՝ 12-14-ը, կառավարության նիստի օրը, կառավարության շենքի դիմաց Stop changes in maternity leave law (Ո՛չ հղիության նպաստի նվազեցմանը) խմբի անդամները կանցկացնեն բողոքի ակցիա:

Նրանք դեմ են «Ժամանակավոր անաշխատունակության նպաստների մասին օրենքի փոփոխությանը» և ՀՀ նախագահից պահանջում են հետ կանչել օրենքի տակ դրված իր ստորագրությունը։ Համաձայն այդ օրենքի՝ ապագա մայրերի իրավունքները ոտնահարվում են:

«Եկեք միահամուռ ուժերով պայքարենք հանուն մեր ու ապագա սերունդների բարեկեցության, արտագաղթի կանխման ու սերունդ տալու խթանման»,- ասված է խմբի տարածած հաղորդագրությունում:

Ի դեպ, ըստ «Ժամանակավոր անաշխատունակության նպաստների մասին» օրենքի փոփոխության, կրճատվելու են հղիության շրջանում գտնվող կանանց հատկացվող նպաստերը: