Սահակաշվիլին Կրեմլին հրավիրում է բանակցությունների՝ առանց նախապայմանների

Վրաստանի նախագահ Մ.Սահակաշվիլին Ռուսաստանին առաջարկում է բանակցություններ՝ առանց նախապայմանների:

Այս մասին նա հայտնել է ֆրանսիական Le Figaro թերթին տված հարցազրույցում:

Վրաստանի նախագահի կարծիքով՝ Մոսկվան չի կարող անտեսել Թբիլիսիի դիրքորոշումը Առևտրի համաշխարհային կազմակերպությանը Ռուսաստանի անդամակցության անհրաժեշտությունն ու ձևացնել, թե Վրաստանը գոյություն չունի:

Խոսելով Աբխազիայի ու Հարավային Օսիայի մասին՝ Սահակաշվիլին ասել է, որ չի կարծում, թե ստեղծված իրավիճակը համապատասխանում է Ռուսաստանի շահերի: «Մոսկվայի համար դա հեշտ քայլ չի լինի, բայց մեզ անհրաժեշտ է բանակցություններ սկսել»,- ասել է Վրաստանի նախագահը՝ խոստանալով ստանձնել ուժի չկիրառման պարտականությունը, չնայած հենց դա էլ, նրա տեսանկյունից, «վիճելի հարցն» է: