Սահմանադրական դատարանը վաղը նոր նախագահ կընտրի

Վաղը Սահմանադրական դատարանում աշխատակարգային նիստ կանցկացվի, որի ընթացքում ՍԴ 9 դատավորներն իրենց կազմից պետք է նոր նախագահ ընտրեն, «Ազատությանը» փոխանցել են ՍԴ-ից:

Երեկ լրացավ ՍԴ նախագահ Արման Դիլանյանի պաշտոնավարման վեցամյա ժամկետը։ Գործող օրենքով ՍԴ նախագահը վերընտրվելու իրավունք չունի։

Նախքան ընտրությունը տեղի կունենան ինքնառաջադրումներ կամ առաջադրումները: Առայժմ հայտնի չէ, թե ՍԴ 8 դատավորներից ով կամ ովքեր են հավակնում նախագահի պաշտոնին:

Եթե թեկնածուները մեկից ավելի լինեն, ընտրվելու համար անհրաժեշտ է դատավորների ընդհանուր թվի ձայների երկու երրորդը, մեկ թեկնածուի դեպքում՝ մեծամասնությունը։

Եթե վաղվա նիստում ընտրությունը չկայանա, ապա հնգօրյա ժամկետում կանցկացվի ընտրության երկրորդ փուլ: