Ուկրաինան անցած տարվա ընթացքում չի մոտեցել բանակցություններին. Պեսկով

Ուկրաինան անցած ժամանակահատվածում բանակցություններին ավելի մոտ չի դարձել, իսկ Եվրոպան շարունակում է խոչընդոտել բանակցային գործընթացին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

Մեկ տարի առաջ Ռուսաստանի նախագահ Վլադիմիր Պուտինը «Վալդայ» միջազգային քննարկումների ակումբի նիստում հայտարարել էր, որ հույս ունի՝ Ուկրաինան ուժ կգտնի բանակցությունների սեղանի շուրջ նստելու համար։ Նա նաև մատնանշել էր Եվրոպայում ռազմականացման աճը։

Լրագրողները Պեսկովից հետաքրքրվել են, թե ինչպես է Կրեմլը գնահատում այս դինամիկայի փոփոխությունը մեկ տարվա ընթացքում և արդյոք Ուկրաինան ավելի մոտ է դարձել բանակցություններին։

«Դժվար թե կարելի է ասել, որ Ուկրաինան ավելի մոտ է դարձել։ Ուկրաինան բանակցություններին ավելի մոտ չի դարձել։ Եվրոպան նույնպես շարունակում է բանակցություններին ավելի մոտ չլինել և նախկինի պես խոչընդոտում է բանակցային գործընթացի վերսկսմանը։ Ահա սա կարող ենք արձանագրել», - լրագրողներին ասել է Պեսկովը։