Գազայի հիվանդանոցները կանգնած են հոսանքազրկման վտանգի առաջ

Գազայի գործող խոշորագույն հիվանդանոցներից մեկում էլեկտրաէներգիայի անջատումների պատճառով հիվանդները բուժման են սպասում։ Բուժաշխատողները զգուշացնում են, որ շարժիչի յուղի և պահեստամասերի պակասը հանգեցնում է գեներատորների վնավելուն՝ վտանգելով մարդկային կյանքեր։

Ինչպես փոխանցում է Reuters-ը, վառելիքի և դիզելային վառելիքի գների կտրուկ աճի պատճառով թաղամասային գեներատորներից ստացվող էլեկտրաէներգիան դառնում է անհասանելի այն ընտանիքների համար, որոնք կախված են դրանից։

Գազան զրկված է կենտրոնացված էլեկտրամատակարարումից 2023 թվականի հոկտեմբերի 7-ին Իսրայելի կողմից ռազմական գործողություններ սկսելու պահից ի վեր։

Իսրայելը դադարեցրել է էլեկտրաէներգիայի մատակարարումը և սահմանափակել վառելիքի ու շարժիչի յուղի ներկրումը՝ դրանք որակելով որպես «Համաս»-ին պատժելու միջոցներ։

Այդ սահմանափակումները շարունակվել են՝ չնայած ԱՄՆ-ի միջնորդությամբ 2025 թվականի հոկտեմբերին կնքված հրադադարին, որը վերջ էր դնելու լայնածավալ մարտական ​​գործողություններին, սակայն չկարողացավ կասեցնել իսրայելական հարձակումները, ապահովել «Համաս»-ի զինաթափումը կամ մեղմել Գազայի հումանիտար և էներգետիկ ճգնաժամերը։