Իրանի բանակը հայտարարել է, որ ԱՄՆ-ի բազաներում ՀՕՊ համակարգեր է ոչնչացրել

Իրանը խոցել է Մերձավոր Արևելքում ԱՄՆ բազաների ՀՕՊ համակարգերը, ինչը հեշտացնում է հարվածները Իսրայելին։ Այս մասին հայտարարել է իրանական բանակի պաշտոնական ներկայացուցիչ Մոհամմադ Աքրամինիան։

Իսրայելի պաշտպանության նախարար Իսրայել Կացն ավելի վաղ հայտարարել էր, որ Իրանի վրա ԱՄՆ-ի տնտեսական ճնշման ուժեղացմանը զուգահեռ իբրուժեղանումէ նաև իրանական կանխարգելիչ հարվածի հավանականությունը:

«Հակաօդային պաշտպանության համալիրների ոչնչացումը նշանակում է, որ դեպի Իսրայել մեր հրթիռների ու դրոնների ճանապարհը բաց է, և այժմ այդ շրջաններում գտնվող բազաներին հարվածելը շատ ավելի հեշտ է դարձել»,–նշել է Աքրամանիան։

Նա հավելել է, որ Իրանը պատասխանել է ԱՄՆ-ի վերջին հարձակումներին՝ հարվածելով ամերիկյան բազաներին, որտեղ տեղակայված են հակաօդային պաշտպանության և ռադիոտեղորոշիչ համակարգերը: Իրանական բանակի ներկայացուցչի պնդմամբ՝ Թեհրանին հաջողվել է ոչնչացնել այդ համակարգերը։

Աքրամանիայի խոսքով՝ եթե Իրանը սպառնալիք զգա, ապա «կանխարգելիչ գործողություններ» կիրականացնի։