Ավելի քան մեկ տարի չհավատարմագրված ագրարային համալսարանը հավատարմագրվել է պայմանով

Yerkir.am-ն ադրադարձել էր այն փաստին, որ ագրարային համալսարանը 2025թ. հունիսի 22-ից միչ օրս համարվում է ՉՀԱՎԱՏԱՐՄԱԳՐՎԱԾ՝ իր բոլոր հետևանքներով:

Հուլիսի 24-ին տեղի ունեցած նիստում ՈԱԱԿ Հավատարմագրման հանձնաժողովի որոշմամբ Հայաստանի ազգային ագրարային համալսարանին շնորհվել է ինստիտուցիոնալ հավատարմագրում 4 տարի ՊԱՅՄԱՆՈՎ (ընդգծումը՝ Yerkir.am –ի)։

Պայմանով հավատարմագրումը խոսում է ագրարային համալսարանում կրթության որակի, մեղմ ասած, ոչ նախանձելի վիճակի մասին:

Սա հարյուրամյա բուհի մեջ առաջին դեպքն է, երբ հավատարմագրվում է պայմանով:

Զավեշտն այն է, որ ոչ ոք պատասխանատվություն չի կրել բուհի՝ 1 տարի 1 ամիս չհավատարմագրված գործելու հետևանքների համար:

Հետաքրքիր է նաև այն հանգամանքը, որ բուհը տեղեկատվություն չի տարածել պայմանով հավատարմագրման վերաբերյալ: Հավանաբար բուհի ղեկավարության՝ կրթության որակի աննախադեպ մակարդակի մասին պատկերացումները էականորեն տարբերվում են Որակի ապահովման ազգային կենտրոնի մոտեցումներից: