Մեծ Բրիտանիայում ռեկորդային թվով բնական հրդեհներ են գրանցվել

Մեծ Բրիտանիայի կենտրոնական և հարավային շրջաններում ավելի քան հազար բնական հրդեհներ են գրանցվել:

«Արմենպրես»-ի հաղորդմամբ, այս մասին հայտնել է The Guardian-ը՝ վկայակոչելով երկրի հրշեջ ծառայությունների ազգային խորհրդի հաղորդագրությունը։

Հրդեհների թիվը գերազանցել է 1017-ը՝ 2025 թվականի ռեկորդային ցուցանիշը: Սպասվում է, որ հրդեհների սեզոնը կարող է տևել մինչև նոյեմբեր, իսկ հրդեհների թիվն այս տարի էապես կգերազանցի նախորդ տարվա ցուցանիշները:

Երկրի վեց շրջաններում պահպանվում է եղանակային վտանգի «նարնջագույն» մակարդակը, որտեղ միայն վերջին օրվա ընթացքում հրդեհների պատճառով հոսպիտալացվել է 19 մարդ:

ԵՄ կլիմայի փոփոխության վերահսկող մարմինի կանխատեսումների համաձայն Մեծ Բրիտանիայի հարավային շրջաններում ծայրահեղ եղանակային պայմանները կպահպանվեն մինչև օգոստոսի 19-ը: