Պետական դավաճանության մեղադրանքով կալանավորվածը ինքնասպանության փորձ է կատարել

Պետական դավաճանության մեղադրանքով կալանավորվածը ինքնասպանության փորձ է կատարել։

Ինքնասպանության փորձի և «Արմավիր» ՔԿՀ-ի աշխատակիցների կողմից այն կանխելու մասին տեղեկությունը Armenia Sputnik-ին հաստատել են քրեակատարողական ծառայության մամուլի կենտրոնից։

Armlur.am-ի տեղեկություններով՝ խոսքը Թորոս Թորոսյանի մասին է, ով օրերս հացադուլ է հայտարարել՝ բողոքելով քրեական հետապնդման դեմ:

Տղամարդը պարբերականին հայտնել է, որ ոչ մի հանցագործություն չի կատարել, այնուամենայնիվ, արդեն մեկ տարի 4 ամիս է, ինչ կալանքի տակ է:

Նախկին զինծառայողին մեղադրում են ռազմական դիրքերի և օբյեկտների մասին հակառակորդին տեղեկություններ փոխանցելու մեջ։