Մոդիի գրառման արգելափակումից հետո Հնդկաստանի իշխանությունները զրույցի են հրավիրել Meta-ի ղեկավարներին

Հնդկաստանի իշխանությունները «Meta»-ի ղեկավարներին կանչել են զրույցի՝ «Facebook»-ում Հանրապետության վարչապետ Նարենդրա Մոդիի հրապարակման կարճաժամկետ արգելափակման պատճառով։

Ինչպես փոխանցում է ՏԱՍՍ-ը, այդ մասին ANI գործակալությանը հայտնել է հանրապետության էլեկտրոնային և տեղեկատվական տեխնոլոգիաների փոխնախարար Ս. Քրիշնանը։

Նրա խոսքով՝ կառավարությունը ընկերությունից պահանջել է «ուղղել իրենց բարձրաստիճան ներկայացուցիչներին՝ միջադեպի հանգամանքները պարզաբանելու և ինչպես ընկերության քաղաքականությանը, այնպես էլ տեխնիկական խնդիրներին վերաբերող հարցերը քննարկելու համար»։

Մոդիի տեսաուղերձը նվիրված էր քննական առաջադրանքների արտահոսքերի դեմ պայքարի միջոցներին։

Հուլիսի 28-ին Meta-ի ներկայացուցիչները հայտարարել էին, որ բովանդակությունը հեռացվել էր տեխնիկական սխալի պատճառով և վերականգնվել՝ այն հայտնաբերելուց հետո։