Վարդան Ղուկասյանի կալանքը փոխարինվեց տնային կալանքով

Գյումրու նախկին քաղաքապետ Վարդան Ղուկասյանի կալանքը փոխարինվեց տնային կալանքով (3 ամիս ժամկետով) և 15 մլն դրամ գրավով։ «Ապրե՛ք» վանկարկումով և ծափերով ներկաները ողջունեցին դատարանի որոշումը։

Վարդան Ղուկասյանը կալանավորվել էր 2025 թվականի հոկտեմբերին։ Հակակոռուպցիոն կոմիտեն հայտնել էր, որ Գյումրիի քաղաքապետի և ևս յոթ անձի նկատմամբ հանրային քրեական հետապնդում է հարուցվել։ Ըստ Հակակոռուպցիոն կոմիտեի՝ տվյալներ էին ստացվել քաղաքապետի և քաղաքի գլխավոր ճարտարապետի կողմից նախնական համաձայնությամբ կաշառք պահանջելու և ստանալու ենթադրյալ դեպքերի վերաբերյալ։

Հակակոռուպցիոն դատարանը 2025 թվականի հոկտեմբերի 21-ին Ղուկասյանի նկատմամբ որպես խափանման միջոց էր կիրառել կալանքը։