Հուլիսի 2-ի երեկոյան Երկրի վրա ուժգին մագնիսական փոթորիկ է սպասվում

Նախորդ գիշեր Արեգակի վրա տեղի ունեցած բարձրագույն X դասի բռնկումը Երկրի վրա մագնիսական փոթորիկ կառաջացնի, ամենայն հավանականությամբ՝ ուժգին։ Այս մասին հայտնել են Ռուսաստանի գիտությունների ակադեմիայի տիեզերական հետազոտությունների ինստիտուտի արեգակնային աստղագիտության լաբորատորիայից։

«Բարձրագույն մակարդակի փոթորիկներ և ռադիացիոն տատանումներ այս դեպքում չեն սպասվում, և նույնիսկ նախորդ մակարդակի (G4) հազիվ թե հասնի, սակայն G3 կարգի (ուժեղ) իրադարձությունները, ըստ ամենայնի, անխուսափելի են»,- ասված է լաբորատորիայի հաղորդագրության մեջ։

Բռնկման պայթյունի ալիքը Երկրին կհասնի հուլիսի 2-ին՝ Մոսկվայի ժամանակով 21:00-ից մինչև 00:00-ն ընկած ժամանակահատվածում։

«Սպասվող փոթորիկն ամենաուժգինը կլինի ընթացիկ տարվա մարտից ի վեր»,-նշել են գիտնականները։

Հունիսի 30-ին՝ Մոսկվայի ժամանակով ժամը 23:50-ին X1.1 դասի բռնկում է տեղի ունեցել: Այն գրանցվել է 4475 տիրույթում: Միաժամանակ այս պահին Արեգակի վրա գործում է տարվա ամենամեծ՝ 4478 տիրույթը, որը դեռևս նման հզոր իրադարձություններ չի առաջացրել: