Թվայնացումը մեծացրել է ԵԱՏՄ երկրների եկամուտները

Հուլիսի 1-ից ուժի մեջ են մտնում արտաքին էլեկտրոնային առևտրի կարգավորման նոր կանոնները։ ԵՏՀ մաքսասակագնային և ոչ սակագնային կարգավորման վարչության փոխտնօրեն Ալեքսեյ Արտեմևի խոսքով՝ էլեկտրոնային առևտուրն այսօր ԵԱՏՄ-ի ամենաարագ զարգացող ոլորտներից է։

Նրա խոսքով՝ թվային մակնշումն իրեն արդարացրել է որպես ընդհանուր շուկան անօրինական արտադրանքից պաշտպանելու և միության անդամ պետությունների բյուջեների եկամուտներն ավելացնելու արդյունավետ գործիք։

«Օրինակ՝ Ղրղզստանում չմակնշված ալկոհոլային արտադրանքի ծավալը կրճատվել է 16 անգամ, իսկ ծխախոտային արտադրանքինը՝ 2 անգամ։ Արդյունքում հարկային մուտքերն աճել են ավելի քան 25 տոկոսով», – նշել է Արտեմևը։