Դրամահավաք՝ ուղղված Արցախի մշակութային ժառանգության պաշտպանությանը

Դրամահավաքի հայտարարություն ուղղված Արցախի մշակութային ժառանգության պաշտպանությանը․

«Հարգելի՛ հայրենակիցներ, գործընկերներ և մշակույթի պահպանությամբ մտահոգ անձինք,

Այսօր Արցախի հայկական մշակութային ժառանգությունը կանգնած է ոչնչացման և յուրացման իրական վտանգի առաջ։ Վտանգված են հարյուրավոր եկեղեցիներ ու վանքեր, հազարավոր խաչքարեր, հուշարձաններ, թանգարաններ, գրադարաններ և հայկական ինքնության վկայություններ։

Արցախի մշակութային ժառանգության օմբուդսմենի գրասենյակը ստեղծվել է՝ փաստագրելու, մշտադիտարկելու և միջազգային հարթակներում պաշտպանելու Արցախի հայկական մշակութային արժեքները և բարձրաձայնելու մշակութային ցեղասպանության շարունակվող դեպքերը։

2023 թվականի հունիսի 6-ին՝ Ադրբեջանի կողմից ամբողջությամբ շրջափակված Ստեփանակերտից, Արցախի մշակութային ժառանգության օմբուդսմեն Հովիկ Ավանեսովը պաշտոնապես հայտարարեց գրասենյակի գործունեության մեկնարկի մասին։

Այդ ժամանակից ի վեր իրականացվում են՝

արբանյակային մշտադիտարկում,

փաստահավաք և հետազոտական աշխատանքներ,

միջազգային իրազեկման ծրագրեր,

մշակութային իրավունքների պաշտպանության նախաձեռնություններ։

Փաստագրված տվյալներով՝ 2020 թվականից հետո արձանագրվել են մշակութային ժառանգության ոչնչացման, պղծման և յուրացման հարյուրավոր դեպքեր։ Այսօր վտանգված են ավելի քան 423 եկեղեցիներ և վանքեր, շուրջ 30 թանգարաններ և ավելի քան 10․000 մշակութային հուշարձաններ։

Այս պայքարը միայն մշակութային արժեքների պահպանության համար չէ։

Սա պայքար է պատմական հիշողության, ազգային ինքնության և համամարդկային մշակույթի պահպանման համար։

Դրամահավաքի շրջանակում հավաքագրված միջոցները կուղղվեն՝

• արբանյակային մշտադիտարկման շարունակմանը,

• փաստագրման և հետազոտական աշխատանքներին,

• միջազգային իրավական և տեղեկատվական գործունեությանը,

• թվայնացման և արխիվային պահպանությանը,

• գրասենյակի շարունակական գործունեության ապահովմանը։

Յուրաքանչյուր աջակցություն կարևոր է։

Յուրաքանչյուր ներդրում նպաստում է հայկական մշակութային ժառանգության պահպանմանը։

Կոչ ենք անում միանալ այս կարևոր առաքելությանը և աջակցել Արցախի մշակութային ժառանգության պաշտպանության գործին։

Կոնվերս բանկ

Ստացող Արցախի մշակութային ժառանգության օմբուդսմեն Հովիկ Ավանեսով

ՀՀ դրամ 1930056346240300

$19300108776901

Ռուբլի 19300492551058»։