Իրանի ԱԳ նախարարը հայտնել է բանակցություններում գրանցված առաջընթացի մասին

Իրանի արտաքին գործերի նախարար Աբբաս Արաղչին Իրաքի իր պաշտոնակից Ֆուադ Հուսեյնի հետ հեռախոսազրույցի ժամանակ հայտարարել է Պակիստանի միջնորդությամբ ընթացող բանակցությունների վերջին փուլում գրանցված առաջընթացի մասին։ Այս մասին հայտնել է Իրաքի ԱԳՆ մամուլի ծառայությունը։

«Ուրբաթ երեկոյան արտաքին գործերի նախարար Ֆուադ Հուսեյնը հեռախոսազանգ է ստացել իր իրանցի պաշտոնակից Աբբաս Արաղչիից։ Զրույցի ընթացքում Իրանի նախարարը Հուսեյնին տեղեկացրել է ընթացիկ բանակցությունների վերջին զարգացումների մասին՝ նշելով վերջին փուլում ձեռք բերված առաջընթացը, մասնավորապես՝ բանակցային նոր փաստաթղթի առնչությամբ»,- նշել է Իրաքի ԱԳՆ-ն։

Ավելի վաղ «Sky News Arabia» հեռուստաալիքը, վկայակոչելով իր աղբյուրներին, հայտնել էր, որ Կատարից և Պակիստանից միջնորդներն Իրանում աշխատում են նոր շրջանակային փաստաթղթի վրա, որը կպարունակի ընդհանուր դրույթներ։