Ադրբեջանը պատրաստ չէ բանակցություններում առաջընթացի. Շարմազանով

ՀՀԿ ԳՄ նիստից հետո ՀՀԿ խոսնակ Էդուարդ Շարմազանովը անդրադարձավ Ադրբեջանի վարքագծին: Նշենք, որ այսօր շփման գծում հակառակորդի կրակոցից զինծառայող է զոհվել:Ըստ Շարմազանովի, Ադրբեջանն իր պահվածքով ապացուցում է, որ պատրաստ չէ բանակցություններում առաջընթացի:

«Շատ դժվար է բանակցել մի կողմի հետ, ով համանախագահների հետ համակարծիք է և հայտարարություն է տարածում, բայց նրա իշխանության կրողը հանդես է գալիս մի հայտարարությամբ, որը ոչ ավել, ոչ պակաս հոխորտանք է հարևան երկրի նկատմամբ:Խնդիրը Ադրբեջանի մեջ է, ով շարունակում է իր ոչ կառուցողական հայտարարութունների շարքը»,- ասաց Շարմազանովը:

Նշենք, որ այսօր Ադրբեջանի նախագահ Իլհամ Ալիևը հայտարարել էր, որ իր երկրի ռազմավարական նպատակներից է «Երևանի և Զանգեզուրի վերադարձը»: