Իրականում ինչ պետք է պատմի Նիկոլ Փաշինյանը Սյունիքի ընտրողներին․ Դավիթ Գալստյան

Լրագրող Դավիթ Գալստյանը գրել է.

Իրականում ինչ պետք է պատմի Նիկոլ Փաշինյանը Սյունիքի ընտրողներին

2021 թ․ ՀՀ իշխանությունները Ադրբեջանին են հանձնել Սյունիքի մի կտորը (մասնավորապես՝ Շուռնուխի մի մասը):

Դա արել են առանց սահմանազատման, անօրինական․․․ Հետագա հիմնավորումները (վարչատարածքային բաժանում, ադրբեջանական տարածք․․․ և այլն) եղել էն անհիմն ու կեղծ։

Ներկայում սահմանազատման հիմք հանդիսացող ԽՍՀՄ ԳՇ քարտեզներով դա էլի ՀՀ տարածք է։

N.B. Հանձնել են հենց այն քարտեզի կտորը, որը Ն․Փ․-ն բաժանում է մարդկանց։

ՀՀ իշխանությունները թաքցրել / անտեսել են ադրբեջանական ներխուժումը Ներքին Հանդի հատվածում 2021 թ․։

Մինչև 2022 թ․ սեպտեմբերին իշխանությունները խոսում էին միայն Սոթք-Խոզնավար հատվածի մասին, իսկ այդ հատվածը շատ ավելի հարավ է։

ՀՀ իշխանությունները մի քանի տարի թաքցրել են Գորիս-Կապան-Ճակատեն ճանապարհի հատվածում զորքերի հետ քաշելու փաստաթուղթը։ Մինչև հիմա պաշտոնապես չի հրապարակվել։

ՀՀ իշխանությունները հրաժարվում են Սև լիճ / Իշխանասար հատվածում (էլի Սյունիք) Ադրբեջանի կողմից գնդակահարված հայ գերի զինվորների ու խոշտանգված կանանց իրավունքների պաշտպանությունից / մեղավորներին պատժելուց։