Մրգաշենում կատարված սպանության մեղադրանքով ձերբակալված եղբայրները կալանավորվել են

Մրգաշենում կատարված սպանության մեղադրանքով ձերբակալված եղբայրները կալանավորվել են։ Այս մասին ԶԼՄ-ներին հայտնել են Քննչական կոմիտեից։

Քննչական կոմիտեից ավելի վաղ հայտնել էին, որ Մրգաշենում ապրիլի 13-ին տեղի ունեցած սպանության դեպքի առթիվ նախաձեռնված քրեական վարույթի նախաքննության ընթացքում կատարված քննչական և օպերատիվ-հետախուզական գործողությունների և միջոցառումների արդյունքում պարզվել է, որ արարքը կատարել են եղբայրներ, որոնցից մեկն անչափահաս է։

Եղբայրներից մեկի նկատմամբ հարուցվել էր հանրային քրեական հետապնդում՝ Քրեական օրենսգրքի 155-րդ հոդվածի 2-րդ մասի 8-րդ կետով (մի խումբ անձանց կողմից կատարված սպանությունը), իսկ անչափահասի նկատմամբ՝ 155-րդ հոդվածի 1-ին մասով (սպանությունը):

Վերջիններիս վերաբերյալ կայացվել էին ձերբակալման որոշումներ:

Ավելի վաղ հայտնել էինք, որ Մրգաշենում ատամնաբույժը տանից դուրս է եկել. 5–10 րոպե անց շունը նրա ոտնամանը ներս է բերել։