Իրանը նախընտրել է մերժել մեր առաջարկները. դա վատ է հենց Իրանի համար. ԱՄՆ փոխնախագահ

Financial Times-ի աղբյուրների փոխանցմամբ՝ Իսլամաբադում ընթացող ավելի քան հինգժամյա խորհրդակցությունները Հորմուզի նեղուցի նկատմամբ վերահսկողության շուրջ մտել են փակուղի:

Նավագնացության վերականգնման հարցը մնում է բանակցությունների հիմնական խոչընդոտը, քանի որ Իրանը կտրականապես մերժում է համատեղ վերահսկողության տարբերակները:

Թեհրանը պնդում է ջրային ուղու նկատմամբ սեփական միանձնյա վերահսկողության պահպանման և անցնող նավերից վճարներ գանձելու իր իրավունքի վրա: Շաբաթ երեկոյան տեղի ունեցած աշխատանքային ընթրիքն ու տեխնիկական քննարկումները ևս չեն նպաստել կողմերի դիրքորոշումների մերձեցմանը:

ԱՄՆ փոխնախագահ Ջեյ Դի Վենսը լքել է Իսլամաբադը, Իրանի հետ բանակցություններն ավարտվելուց հետո՝ ասելով, որ ներկայացրել է «վերջնական և լավագույն առաջարկը»։

«Իրանը նախընտրել է մերժել մեր առաջարկները։ Մենք վերադառնում ենք Վաշինգտոն առանց համաձայնության և, կարծում եմ, դա վատ է հենց Իրանի համար»,-նշել է նա։