Քեզ թուլություն չի՛ սազում, հա՛յ ազգ, չե՛նք համակերպվելու․ Նարեկ Կարապետյան

Մարդիկ կան՝ մտածում են մեր ազգը քնել է, թմբիրի մեջ է, և կարող են անել այն, ինչ ուզում են։ Այսքան միավորված հայ մարդ տեսնելով՝ հասկանում եմ, որ մենք հասնում ենք մեր համախմբման երազանքին։ Այս մասին «Ուժեղ Հայաստան» կուսակցության հանրահավաքի ժամանակ հայտարարել է կուսակցության խորհրդի անդամ Նարեկ Կարապետյանը։

«Ես գիտեմ, թե ինչն է ձեզ հետ պահում հավատալու մեր ապագա հաջողություններին․ ձեզ բազմիցս խոսք են տվել, որ ունենալու եք ամեն ինչ, բայց չեն կատարել այդ խոստումը։ Երբեմն հասկանալով, երբեմն չհասկանալով արել են քայլեր, որոնք թուլացրել են մեր երկիրը։ Բայց քեզ թուլություն չի սազում հայ ազգ, չենք համակերպվելու»,- նշել է Կարապետյանը։