Ամերիկացի օդաչուների փրկարարական առաքելությունը ձախողվել է․ Իրանի կենտրոնական հրամանատարության խոսնակ

Իրանի ԶՈՒ հրամանատարությունից հայտարարել են, որ ամերիկացի օդաչուների փրկարարական առաքելությունը ձախողվել է, երկու ուղղաթիռ է խփվել։

«Խաթամ ալ-Անբիա» կենտրոնական հրամանատարության խոսնակ Էբրահիմ Զոլֆաղարին հայտնել է, որ կործանել են « Black Hawk» ուղղաթիռներ և C-130 օժանդակ ինքնաթիռ։

Ավելի վաղ հայտնի էր դարձել, որ Իրանի արևմուտքում խոցվել է F-15 կործանիչ, որի անձնակազմի երկու անդամներից մեկը միանգամից փրկվել էր, իսկ երկրորդին փնտրում էին ԱՄՆ-ն ու ԻՀՊԿ-ն:

Կործանումից հետո իրեն հետապնդող իրանական ուժերից օդաչուն թաքնվել էր բլրի գագաթին։

ԱՄՆ-ի զինվորականները ներխուժել էին Իրան՝ փրկարարական գործողություն իրականացնելու համար։

Ինչպես հայտնում են ԶԼՄ-ը, կատաղի մարտեր են ընթացել Իրանի հարավ-արևմուտքում։

Դոնալդ Թրամփը օվալաձև գրասենյակից հետևել է մարտերին:

Հաղորդվում էր ԱՄՆ-ի զրահատեխնիկայի և օդային աջակցության մասնակցության մասին։ Բայց ԱՄՆ-ի բոլոր ուժերն արդեն դուրս են բերվել Իրանի տարածքից։

Իր հերթին ԱՄՆ նախագահ Դոնալդ Թրամփը հայտարարել էր, որ ԱՄՆ-ն իրականացրել է իր պատմության մեջ ամենահամարձակ որոնողափրկարարական օպերացիաներից մեկը։