Իրանի նոր առաջնորդը հանրությանը կներկայանա, երբ ինքը և իր շրջապատը անհրաժեշտ համարեն. ԱԳՆ

Իրանի փոխարտգործնախարար Սաիդ Խատիբզադեն հայտարարել է, որ երկրի նոր գերագույն առաջնորդ Մոջթաբա Խամենեին հանրությանը կներկայանա, երբ անհրաժեշտ համարի։ Այս հայտարարությունը նա արել է Sky News-ին տված հարցազրույցում։ Խատիբզադեի խոսքով՝ Մոջթաբա Խամենեին առողջական լավ վիճակում է և շարունակում է կատարել իր պարտականությունները։

«Նա առողջ է, և պատասխանատու է», - նշել է փոխարտգործնախարարը։

Հարցին, թե ինչու նոր առաջնորդը դեռևս հրապարակայնորեն չի ներկայացել, Խատիբզադեն ընդգծել է, որ որոշումը կկայացնի Խամենեին ինքը կամ նրա գրասենյակը։

«Երբ նա կամ իր գրասենյակը որոշեն դա անել, նրանք կանեն դա», - հավելել է նա՝ ընդգծելով, որ Իրանի ղեկավարությունը «չի թաքնվում»։