Մերձավոր Արևելքում հակամարտության ընթացքում զոհվել է գրեթե 900 մարդ

ԱՄՆ-ի և Իսրայելի կողմից Իրանի դեմ փետրվարի 28-ին սկսված ռազմական գործողությունների և տարածաշրջանային երկրների ուղղությամբ Իրանի պատասխան հարվածների հետևանքով զոհվել է ավելի քան 870 մարդ։ Նման տվյալներ է ներկայացրել The New York Times-ը:   

Ըստ պարբերականի՝ զոհերի ճնշող մեծամասնությունը բաժին է ընկել Իրանին. զոհվածների թվում են նաև Բահրեյնի, Իսրայելի, Քուվեյթի, Լիբանանի, ԱՄԷ-ի քաղաքացիներ և ամերիկացի 6 զինծառայող:

Իրանը մարտի 3-ին հայտնել էր, որ երկրում զոհերի թիվը հասել է 787-ի։ Նրանց թվում են տասնյակ բարձրաստիճան պաշտոնյաներ և զինվորականներ, այդ թվում՝ երկրի գերագույն առաջնորդ Ալի Խամենեին։ Լիբանանը հայտնել է 50 զոհի մասին։