Իրանը հայտարարում է, որ միջուկային օբյեկտներում հետաքննությունների վերաբերյալ համաձայնություն չկա

ԱՄՆ-ի հետ բանակցությունների ձախողումից հետո Իրանի այն միջուկային օբյեկտներում, որոնք նախկինում հարվածների են ենթարկվել, հետաքննություններ անցկացնելու համար անվտանգության երաշխիքներ  չկան։ Ռիա Նովոստիի փոխանցմամբ՝ այս մասին հայտարարել է Ժնևում ՄԱԿ-ի գրասենյակում Իրանի Իսլամական Հանրապետության մշտական ներկայացուցիչ Ալի Բահրեյնին։

«Եթե բանակցություններն հաջողությամբ ավարտվեին, այս հարցը կարող էր լուծվել համաձայնագրի միջոցով, բայց քանի որ բանակցությունները ձախողվեցին, ապա հարվածների ենթարկված օբյեկտներում հետաքննություն անցկացնելու համար անվտանգության պայմանավորվածություններ չկան»,- ասել է նա՝ Ժնևում կայացած մամուլի ասուլիսի ժամանակ։

Միևնույն ժամանակ, նրա խոսքով, չի կարելի թերագնահատել Իրանի միջուկային օբյեկտներին ԱՄՆ-ի և Իսրայելի հասցրած հարվածների ազդեցությունը։

«Սա միջազգային իրավունքի խախտում էր և դժվարացնում էր անվտանգության արձանագրության կիրառումը, տեղում կային տարբեր ռիսկեր, և իրավիճակը հնարավոր չէր պատշաճ կերպով ստուգել», - ասել է դիվանագետը։