Թուրքիայի` Եվրամիությանը անդամակցելու հարցում համաձայնություն չկա

ԵՄ ընդլայնման հարցերով հանձնակատար Շտեֆան Ֆյուլեն այսօր Եվրախորհրդարանում Թուրքիայի վերաբերյալ ամենամյա զեկուցի ներկայացման ժամանակ հայտարարել է, որ Թուրքիայի` Եվրամիությանը անդամակցելու հարցում համաձայնություն չկա, եւ գործընթացը դեռեւս ամենասկզբում է, թեեւ բանակցությունների երկարատեւ շրջան է անցել. տեղեկացնում է Regnum-ը:

Նրա խոսքերով` Թուրքիան պարտավոր է ընդունել եվրոպական արժեքները:

Իր հերթին, Իռլանդիայի եվրոպական հարցերով նախարար Լյուսինդա Քրեյթոնը նշել է, որ Թուրքիան եւ Եվրամիությունը չեն օգտագործել իրենց հարաբերությունների ամբողջ ներուժը: Նա հավելել է, որ ԵՄ-ն Անկարայից նոր սահմանադրություն եւ քրդական հարցի կարգավորում է սպասում: