Ժամանակը սպառվում է. Թրամփը՝ Իրանին

Հսկայական նավատորմ է ուղղվում դեպի Իրան։ Այն արագ է շարժվում՝ հսկայական ուժով, ոգեւորությամբ եւ նպատակասլացությամբ։ ԱՄՆ նախագահ Դոնալդ Թրամփը այս մասին գրել է TruthSocial սոցցանցում։

Նա ասել է, որ դա ավելի մեծ նավատորմ է՝ հսկայական ավիակիր «Աբրահամ Լինքոլն»-ի գլխավորությամբ, ավելի մեծ, քան Վենեսուելա ուղարկվածը։

«Ինչպես Վենեսուելայի դեպքում, Իրանը պատրաստ է, ցանկանում է եւ կարող է արագ իրականացնել իր առաքելությունը՝ անհրաժեշտության դեպքում օգտագործելով արագություն եւ բռնություն։ Մենք հույս ունենք, որ Իրանն արագ կնստի բանակցությունների սեղանի շուրջ եւ կբանակցի արդար, ՈՉ ՄԻՋՈՒԿԱՅԻՆ համաձայնագրի շուրջ, որը կաշխատի բոլոր կողմերի համար։ Ժամանակը սպառվում է, եւ սա իսկապես կարեւոր է։ Ինչպես ես արդեն մեկ անգամ ասել եմ Իրանին. ԿՆՔԵՔ ԳՈՐԾԱՐՔ։

Նրանք դա չարեցին, եւ սկսվեց «Կեսգիշերային մուրճ» գործողությունը, որը հանգեցրեց Իրանի համար զգալի ավերածությունների։ Հաջորդ հարձակումը շատ ավելի վատ կլինի։ Թույլ մի տվեք, որ դա կրկին պատահի»,- նշել է ԱՄՆ նախագահը։