ԱՄՆ-ում արագորեն սպառվում են ինքնապաշտպանական միջոցները

Սևամորթ աֆրոամերիակցի Ջորջ Ֆլոյդի սպանությունից հետո Ամերիկայում սկսվել են արագորեն սպառվել ինքնապաշտպանության միջոցներն ու  «Սևերի կյանքը նշանակություն ունի» (Black Lives Matter) շարժման սիմվոլիկայով առարկաները. այս մասին գրում է CNB-ը:

Ըստ «Amazon» առցանց առևտրի կայքի տվյալների՝ սպորտի և արշավի համար ապրանքների բաժնում մեծ պահանջարկ ունեն գազային բալոնները, իսկ ամենապահանջված հագուստների տասնյակում են Ֆլոյդի վերջին խոսքերը՝ «Ես չեմ կարողանում շնչել» պատկերող շապիկները: Բացի այդ, պահանջված են ռասիզմի արմատների, ինչպես նաև իրավահավասարության մասին գրքերը: Պահանջված են նաև էլեկտրաշոկերները:

Ավելի վաղ հայտնել էինք, որ ԱՄՆ-ում զանգվածային անկարգություններ են սկսվել աֆրոամերիկացի Ջորջ Ֆլոյդի մահվանից  հետո, որին կոպտորեն սպանեցին ոստիկանության աշխատակիցները: Այժմ զանգվածային բողոքի ակցիաները վերածվել են համատարած թալանի: