Եթե պետական մարմնի անունից դատարան գնացող ամեն երկրորդ որոշումը բեկանվում է , հետևանք պետք է ունենա․ Թադևոս Ավետիսյան

Ներքին գործերի նախարարությանը վերապահվում է իր գործունեությանը վերաբերող որոշ իրավախախտումների համար վարչական պատասխանատվության ենթարկելու գործեր քննել, որոնք ներկայումս վերապահված են Վարչական դատարանին: Այս և նման փոփոխություններ են նախատեսված Վարչական դատավարության եւ Վարչական իրավախախտումների վերաբերյալ օրենսգրքերում, որը պատգամավորներին ներկայացրեց ՀՀ արդարադատության նախարարի տեղակալ Տիգրան Դադունցը։ 

Փոփոխության համաձայն պարզեցվում են մի շարք դատավարական ընթացակարգեր:  Ներկայիս 5 դատավորի կազմով գործը քննելու փոխարեն այն քննվի 3 դատավորի կազմով, որ մյուս երկու դատական կազմերը կարողանան ներգրավվել այլ գործերում ևս:

ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանն էլ իր հերթին ներկայացրեց հանձնաժողովի դրական եզրակացությունը։ Նախագիծը ներկայացնող փոխնախարարին ու Վլադիմիր Վարդանյանին ընդդիամդիր պատգամավորները մի շարք հարցեր ուղղեցին։