Թրամփը հայտարարել է, որ իրեն ոչ ոք չի համոզել չհարվածել Իրանին

ԱՄՆ նախագահ Դոնալդ Թրամփը հայտարարել է, որ ոչ ոք չի փորձել համոզել իրեն հրաժարվել Իրանի վրա հարձակումից. ըստ ամերիկացի առաջնորդի՝ նա «համոզել է ինքն իրեն»։

«Ոչ ոք ինձ չի համոզել։ Ես ինքս ինձ եմ համոզել», – պատասխանել է ամերիկացի առաջնորդը, երբ հարցրել են, թե արաբական պետությունների և Իսրայելի ներկայացուցիչները համոզե՞լ են իրեն չհարվածել Իրանին։ «Նրանք երեկ (հինգշաբթի -խմբ.) ավելի քան 800 մահապատիժ էին նախատեսել կախաղան հանելու միջոցով», – հավելել է Թրամփը՝ խոսելով Իրանի իշխանությունների մասին։ «Նրանք ոչ մեկին կախաղան չեն հանել։ Նրանք չեղարկել են դա։ Դա մեծ ազդեցություն է ունեցել»։ Նա չի մանրամասնել, թե արդյոք Իրանին չհարվածելու որոշումը վերջնական է։

Թրամփին նաև խնդրել են բացատրել, թե արդյոք նրա խոսքերը, որ ԱՄՆ-ի օգնությունը Իրանում հակակառավարական գործողությունների մասնակիցներին «արդեն ճանապարհին է», դեռևս ուժի մեջ են։ «Կտեսնենք», – ասել է Թրամփը։ Նա պատասխանել է լրագրողների հարցերին Սպիտակ տան Հարավային մարգագետնում, նախքան Ֆլորիդա թռչելը, որտեղ, ինչպես սպասվում է, ամերիկացի առաջնորդը կանցկացնի հանգստյան օրերը։