Հրադադար և քրդական զինյալների տեղափոխում` Հալեպից դեպի Սիրիայի հյուսիս֊արևելք. ՊՆ-ի հայտարարության մանրամասները

Սիրիայի «Գանձասար» պարբերականը ներկայացրել է երկրի պաշտպանության նախարարության հայտարաությունից որոշ մանրամասներ, որը ներկայացնում ենք ստորև․

«Սուրիոյ Պաշտպանութեան Նախարարութիւնը յայտարարեց Հալէպի Շէյխ Մաքսուտ, Աշրաֆիէ եւ Պանի Զէյտ թաղամասերու շուրջ զինադադարի հաստատումը՝ տեղւոյն ռազմական գործողութիւնները դադրեցնելու և օրէնքի գերակայութեան ու պետական պաշտօնական հաստատութիւններու վերականգնումին համար ճամբայ հարթելու նպատակով:

Յայտարարութեան մէջ նախարարութիւնը յայտնեց. «Հալէպի մեր քաղաքացիական բնակչութեան ապահովութեան մտահոգութենէն ելլելով եւ բնակելի թաղամասերու մէջ ռազմական նոր սրացումներ կանխելու համար Պաշտպանութեան Նախարարութիւնը կը յայտարարէ Հալէպի Շէյխ Մաքսուտ, Աշրաֆիէ եւ Պէնի Զէյտ թաղամասերու շուրջ հրադադար, որ կը կիրարկուի վաղ առաւօտեան ժամը 3:00-էն սկսեալ»:

Նախարարութիւնը խնդրեց, որ Շէյխ Մաքսուտ, Աշրաֆիէ եւ Պէնի Զէյտ թաղամասերու զինեալ խմբաւորումները լքեն տարածքը ժամը 3:00-էն սկսեալ, մինչեւ Ուրբաթ առաւօտեան ժամը 9:00։ Իսկ հեռացող զինեալներուն թոյլատրեց կրել միայն անձնական թեթեւ զէնքեր: Սուրիական բանակը յանձն կ՚առնէ ուղեկցիլ եւ ապահովել անոնց ապահով անցումը դէպի երկրի հիւսիսարեւելեան շրջան (Եփրատի արեւելք):

Նախարարութիւնը շեշտեց, որ այս գործընթացին նպատակն է վերջ դնել այս թաղամասերուն մէջ ռազմականացած իրավիճակին, ճամբայ հարթել օրէնքի գերակայութեան եւ պետական պաշտօնական հաստատութիւններու վերադարձին համար, ինչպէս նաև կարելիութիւն տալ բռնի տեղահանուած բնակիչներուն վերադառնալու իրենց բնակարանները եւ վերսկսելու իրենց բնականոն կեանքը ապահով մթնոլորտի մէջ:

Նախարարութիւնը կոչ ուղղեց բոլոր շահագրգիռ կողմերուն յարգել նշուած ժամկէտը՝ բոլորի ապահովութեան եւ որեւէ բախում կանխելու համար: Ապա պարզեց, որ Ներքին ապահովութեան ուժերը, Սուրիոյ արաբական բանակի ռազմական գործողութիւններու խորհուրդին հետ համադրաբար, պատասխանատու են այդ թաղամասերէն զինեալ խմբաւորումներու դուրսբերումը կազմակերպելու դէպի Սուրիոյ հիւսիս-արեւելք»: