ԱԹՍ-ի հարձակման հետևանքով Նովոռոսիյսկի նավահանգստում նավ է վնասվել

ԱԹՍ-ների զանգվածային հարձակման հետևանքով Նովոռոսիյսկի նավահանգստում քաղաքացիական նավ է վնասվել, երեք մարդ է տուժել։ Տեղեկությունը հայտնում է Կրասնոդարի երկրամասի օպերատիվ շտաբը։

Ավելի վաղ քաղաքապետ Անդրեյ Կրավչենկոն հայտնել էր, որ քաղաքի վրա ԱԹՍ-ների գրոհը հետ է մղվել։

Ըստ Կրասնոդարի երկրամասի օպերատիվ շտաբի` հարձակման հետևանքով նավթաբազա է վնասվել, բնակելի շենքերի վրա ԱԹՍ-ի բեկորների ընկնելու հետևանքով մեկ մարդ վնասվածքներ է ստացել։

«Նովոռոսիյսկի վրա զանգվածային հարձակման հետևանքով ԱԹՍ-ի բեկորները վնասել են նավահանգստում գտնվող քաղաքացիական նավերից մեկը։ Նախնական տեղեկություններով՝ նավի անձնակազմից երեք մարդ է տուժել։ Նրանց հոսպիտալացրել են, ցուցաբերվում է անհրաժեշտ բուժօգնություն», - ասվում է հաղորդագրության մեջ։