Թալիշական Խանալիոն գյուղում ժողովրդական բողոք է հասունացել տեղացիների և Բաքվի կողմից նշանակված վարչական ղեկավար Ռաուֆ Ջաբիևի միջև. քաղաքագետ

Քաղաքագետ Արա Պողոսյանը գրում է. 

«Թալիշական Խանալիոն գյուղում ժողովրդական բողոք է հասունացել տեղացիների և Բաքվի կողմից նշանակված վարչական ղեկավար Ռաուֆ Ջաբիևի միջև։

Գյուղի բնակիչները հայտարարել են, որ քաղաքապետը չի հետաքրքրվում գյուղի խնդիրներով` ճանապարհները վատ վիճակում են, չկա կոյուղի...

Չնայած դրան, Ռաուֆ Ջաբիևը գյուղացիների վրա 300 մանաթի տուգանք է դրել աղբը իբրև թե ճանապարհի վրա թափելու համար` աղբը թափելու համար հատուկ տեղ չհատկացնելով։ Բացի այդ բնակիչները դժգոհ են, որ քաղաքապետը նախաձեռնել էր գյուղի անվանափոխություն առանց գյուղացիների կարծիքն հաշվի առնելու։

Իհարկե ակնհայտ է, որ խնդիրը ավելի խորն է` թալիշական ցանկացած անվանում, ինքնաիդենտիֆիկացման ցանկացած փորձ վերացնել և թույլ չտալ, որ թալիշների կամ մյուս բնիկ փոքրամասնությունների մոտ ազգային պատկանելության զգացում առաջանա։

Սա Ադրբեջանի ձեռագիրն է, ճիշտ այնպես, ինչպես ամբողջ հայկական մշակութային և պատմական ժառանգությունը յուրացվեց Նախիջեւանում, Գանձակում, և Արցախում այս օրերին»։