Ռուբեն Վարդանյանը հրաժարվել է իր փաստաբանից

Բավքի դատարաում շարունակվել է Արցախի Հանրապետության նախկին պետնախարար Ռուբեն Վարդանյանի գործով  կեղծ դատավարությունը։ Ադրբեջանական լրատվամիջոցների փոխանցմամբ, այսօր դատական նիստի  ընթացքում Ռուբեն Վարդանյանին տրամադրվել է ռուսերեն լեզվի թարգմանիչ և իր ընտրած փաստաբանը։

Ռուբեն Վարդանյանը միջնորդություն է ներկայացրել դատարան՝  իր փաստաբան Աբրահամ Բերմանի հետ կոնֆիդենցիալ հանդիպում ունենալու խնդրանքով: Միջնորդությունը բավարարվել է և հայտարարվել է կարճատև ընդմիջում։

Ընդմիջումից հետո Ռուբեն Վարդանյանը ներկայացրել է մեկ այլ միջնորդություն՝ հայտարարելով փաստաբան Աբրահամ Բերմանից հրաժարվելու մասին։ Այս միջնորդությունը նույնպես բավարարվել է։

Իր միջնորդությունը հիմնավորելիս Ռուբեն Վարդանյանը նշել է, որ հրաժարվում է փաստաբանի ծառայություններից, քանի որ դժգոհ է այսպես կոչված «դատավարության» ընթացքից։

Դատական ​​նիստը  կշարունակվի հոկտեմբերի 28-ին։