Վաղարշապատի ընտրություններին մասնակցելու է 9 քաղաքական ուժ

Արմավիրի մարզի Վաղարշապատ համայնքում նոյեմբերի 16-ին նախատեսված ավագանու համամասնական ընտրություններին մասնակցելու համար թիվ 14 ընտրատարածքային ընտրական հանձնաժողով առաջադրման փաստաթղթեր է ներկայացրել 9 քաղաքական ուժ։ «Արմենպրես»-ի հաղորդմամբ` այս մասին հայտնում են ԿԸՀ-ից։

Վերոնշյալ քաղաքական ուժերն են.

• «Հայրենիք» կուսակցություն
• «Հաղթանակ» կուսակցությունների դաշինք (կազմում՝ «Առաջ» և «Հայ հեղափոխական դաշնակցություն» կուսակցություններ)
• «Քաղաքացիական պայմանագիր» կուսակցություն
• «Ազատ դեմոկրատներ» կուսակցություն
• «Մայր Հայաստան» ազգային-դեմոկրատական կուսակցությունը
• «Ժառանգություն» կուսակցություն
• «Ազգային առաջընթաց» կուսակցություն
• «Հանրապետություն» կուսակցություն
• «Համահայկական ճակատ» կուսակցություն։

Ընդհանուր առմամբ՝ ընտրություններին մասնակցելու հայտ է ներկայացրել 11 քաղաքական ուժ, սակայն առաջադրման փաստաթղթեր ներկայացրել են 9-ը։

Առաջադրված ուժերի գրանցումն իրականացվում է հոկտեմբերի 12-17-ն ընկած ժամանակահատվածում, իսկ գրանցված կուսակցություններին կամ դաշինքներին հերթական համարները կտրվեն ԿԸՀ-ի հոկտեմբերի 18-ի նիստում՝ վիճակահանությամբ։