ԱՊՀ գլխավոր քարտուղարը վերընտրվել է հերթական եռամյա ժամկետով

ԱՊՀ գլխավոր քարտուղար Սերգեյ Լեբեդևը Համագործակցության պետությունների ղեկավարների որոշմամբ այդ պաշտոնում է նշանակվել հերթական եռամյա ժամկետով։ Այդ մասին տեղեկանում ենք ՏԱՍՍ գործակալությունից:

«Նեղ ձևաչափով նիստում ԱՊՀ ղեկավարների խորհրդի որոշմամբ հերթական եռամյա ժամկետով Համագործակցության գլխավոր քարտուղար է նշանակվել ձեր խոնարհ ծառան», - ասել է Լեբեդևը Դուշանբեում ԱՊՀ պետությունների ղեկավարների խորհրդի ընդլայնված նիստում։ 

Լեբեդևը շնորհակալություն է հայտնել պետությունների ղեկավարներին բարձր վստահության համար և հայտարարել, որ այսուհետ էլ կաշխատի ԱՊՀ երկրների և ժողովուրդների միջև բարեկամության և բարիդրացիության հարաբերությունների պահպանման և ամրապնդման համար։