Մակրոնը Ֆրանսիայի նոր վարչապետ կնշանակի 48 ժամվա ընթացքում

Ֆրանսիայի նախագահ Էմանուել Մակրոնը հանրապետության նոր վարչապետ կնշանակի 48 ժամվա ընթացքում: Այս մասին հայտարարել է Ելիսեյան պալատը։

Նախկին վարչապետ Սեբաստիան Լըկոռնյուն հրաժարական էր ներկայացրել հոկտեմբերի 6-ին՝ պաշտոնում նշանակվելուց ընդամենը երեք շաբաթ անց՝ դառնալով Ֆրանսիայի ամենակարճ պաշտոնավարած վարչապետը։ 

Մակրոնի խնդրանքով՝ Լըկոռնյուն բանակցություններ է տարել քաղաքական առաջնորդների հետ։ Ելիսեյան պալատի հաղորդագրության մեջ նշվում է, որ խորհրդարանականների մեծ մասը դեմ է խորհրդարանի լուծարմանը, «կա կայունության հարթակ, կա ուղի՝ հաստատելու բյուջեն մինչև դեկտեմբերի31-ը»։ «Սրա հիման վրա երկրի նախագահը կնշանակի վարչապետին 48 ժամվա ընթացքում»,- հայտնել են Ելիսեյան պալատից։