Ստեղծված իրավիճակի մեղավորը Փաշինյանին դրսից և ներսից բերած ուժերն են․ «Հայաքվե»

«Փաշինյանն Ազգային ժողովում ունի բացարձակ մեծամասնություն, նաև ոստիկանական ուժեր, և այդպիսով մեր ժողովրդի ակտիվ մասի ընդվզումը պարբերաբար ճնշում է։ Ակտիվ ընդվզողների մի մասն այսօր բանտում է: Այս իրավիճակում պետք է գնալ Ազգային ժողովում Փաշինյանին անվստահություն հայտնելու ճանապարհով»։ Այս մասին հայտարարություն է տարածել «Հայաքվե» ազգային, քաղաքացիական միավորումը։

«Դրա համար անհրաժեշտ է օրինական ճանապարհներով հանրային ճնշում գեներացնել Ազգային ժողովի պատգամավորների վրա: Պետք չէ անպայման սպասել ընտրությունների: Ընդհակառակը, սահմանադրորեն ընդունելի բոլոր ճանապարհներով պետք է ազատվել այս վարչախմբից։

Ստեղծված իրավիճակի մեղավորը Փաշինյանին դրսից և ներսից բերած ուժերն են: Հատկապես դրսի ուժերն այնքան զորեղ են, որ ընդդիմությունն իր սահմանափակ ուժերով դեռևս չի կարողանում հաղթել այս պայքարում»,-ասված է հայտարարության մեջ: