Ալիևի 27-ամյա որդին 946 հազար ռուբլու չվճարված հարկեր ունի

Ադրբեջանի նախագահ Իլհամ Ալիևի որդին մոտ մեկ միլիոն ռուբլու պարտք ունի Բարվիխայում գտնվող իր 2.7 միլիարդ ռուբլի արժողությամբ առանձնատան համար։

Mash տելեգրամ ալիքի տվյալներով՝ խոսքը 1600 քառակուսի մետր մակերեսով և 35 միլիոն դոլար (մոտավորապես 2.7 միլիարդ ռուբլի) արժողությամբ առանձնատան մասին է, որը գտնվում է «Մաիենդորֆի այգիներ» էլիտար ավանում։

27-ամյա Հեյդար Ալիևն ունի 946 հազար ռուբլի չվճարված հարկեր։

Մոսկվայի մարզի հարկային մարմինները արդեն մի քանի անգամ դիմել են դատարան և ստացել գանձման կարգադրություն։ Սակայն այն պատճառով, որ Դաշնային դատական ​​կատարածուների ծառայության կայքում Ադրբեջանի նախագահի որդու ծննդյան ամսաթիվը նշված է մեկ օրվա սխալով, նրա պարտքերը գտնելը կարող է այդքան էլ հեշտ չլինել։