Սահմանադրական օրենքների հերն անիծելն արդեն ավանդույթ է դարձել․ Արծվիկ Մինասյանը՝ Արմեն Սիմոնյանին

ՀՀ ԱԺ ութերորդ գումարման իններորդ նստաշրջանի արտահերթ նիստի ընթացքում «Հայաստան» խմբակցության քարտուղար Արծվիկ Մինասյանը խիստ քննադատությամբ արձագանքեց «Հանրային ծառայությունները կարգավորող հանձնաժողովի մասին» և մի շարք այլ օրենքներում փոփոխությունների օրակարգի ընդգրկմանը։

Մինասյանը մատնանշեց գործընթացի խախտումները՝ նշելով, որ ռազմավարական նշանակության օրենսդրական փաթեթը շրջանառության մեջ է դրվել և ուղարկվել կառավարություն ու ԱԺ նույն օրը՝ առանց պատշաճ եզրակացության, ամփոփաթերթի և պետական մարմինների կարծիքի։ Նա ընդգծեց, որ սա վտանգավոր ավանդույթ է՝ սահմանադրական պահանջները շրջանցելով արագացված և անհասկանալի ընթացակարգով նման նախագծեր քննարկել։

Նա անդրադարձավ նաև օրակարգում ընդգրկված համայնքների խոշորացման հարցին՝ հիշեցնելով, որ Սահմանադրության 190-րդ հոդվածը պահանջում է համայնքների կարծիքի նախնական լսում։ Ըստ Մինասյանի՝ որևէ նման կարծիք ներկայացված չէ, հետևաբար օրակարգը չի կարող համարվել սահմանադրական պահանջներին համապատասխան։

Մանրամասն՝ տեսանյութում։