Իրանում իսրայելական հարվածների զոհերի թիվը հասել է 224-ի

Իրանի առողջապահության նախարարությունը հայտնել է, որ հունիսի 13-ից մեկնարկած իսրայելական հարձակումների ընթացքում երկրում զոհվել է 224 մարդ։ Այս մասին հաղորդում է Tehran Times պարբերականը։

Բացի այդ, վիրավորվել է 1227 մարդ։ Ըստ Իրանի առողջապահական գերատեսչության՝ զոհերի և վիրավորների 90%-ը քաղաքացիական անձինք են։

Առողջապահության նախարարությունը նշել է, որ բնակչության շրջանում զոհերի և վիրավորների թիվը հակասում է իսրայելական այն պնդումներին, թե իրականացվել են «ճշգրիտ հարվածներ»։ 

Իրանի արտաքին գործերի նախարարության խոսնակ Էսմայիլ Բաղային X սոցիալական հարթակում գրել է, որ իսրայելական հարվածների զոհերի թվում կա 70 կին և երեխա։