Հպարտությամբ ենք ասում, որ հազարավոր հայեր նույնպես մասնակցել են Ֆաշիզմի դեմ պայքարում․ Հայրենականի մասնակիցը՝ Մատվիենկոյին

Երևանում ընթանում էր ՀՀ Ազգային ժողովի և ՌԴ Դաշնային խորհրդի միջև համագործակցության միջխորհրդարանական հանձնաժողովի 39-րդ նիստը՝ «Մեծ հաղթանակի 80-ամյակը. միասնություն պատմական հիշողության պաշտպանության գործում ապագա սերունդների համար» խորագրով։ Այն վարում էին ՀՀ ԱԺ նախագահ Ալեն Սիմոնյանը և ՌԴ Դաշնային խորհրդի նախագահ Վալենտինա Մատվիենկոն։

Նշենք, որ Երևանում անցկացվում է նաև հայ-ռուսական միջտարածաշրջանային հոբելյանական10-րդ համաժողովը՝ հումանիտար համագործակցության և մշակութային փոխանակման շուրջ։ Քննարկման թեմաներն են համատեղ մշակութային նախագծերի իրականացում, ստեղծագործական կոլեկտիվների փոխադարձ այցեր, մասնակցություն փառատոներին և ուսանողների ու աշակերտների փոխանակման ծրագերին։
 

Ի դեպ, համաժողովի բացմանը ներկա էին Երկրորդ համաշխարհային պատերազմի հայ վետերաններ Ռոզալիա Աբգարյանը և Ներսես Սիմոնյանը։ Դիմելով Մատվիենկոյին՝ Ռոզալիա Աբգարյանը նշեց, որ սիրով է խոսում Հայրենական պատերազմում հայերի մասնակցության մասին  և շնորհակալություն հայտնեց Վլադիմիր Պուտինին՝ Մոսկվայում Մայիսի 9-ի շքերթին մասնակցելու և դիտելու հնարավորություն տալու համար։