Տիկի՛ն Թելունց, ներկայացնում եմ իմ նիշերը, իսկ ո՞րն է Ձեր նիշը․ «Էրեբունի» թանգարանի նախկին տնօրենը՝ ժամանակավոր պաշտոնակատարին

Yerkir.am-ն իր տաղավարում հյուրընկալել է հնագետ, ուրարտագետ, «Էրեբունի» պատմահնագիտական ամրոց-թանգարանի  նախկին տնօրեն Միքայել Բադալյանին։

Նշենք , որ օրերս մեր նկարահանող խումբը, Երևանի ավագանու «Մայր Հայաստան» խմբակցության անդամների հետ,  շրջել է Կարմիր բլուրում, Շենգավիթ հնավայրում, Էրեբունի ամրոցում և «Էրեբունի» թանգարանում․ բանն այն է, որ ավագանիներն ահազանգ են ստացել, ինչով պայմանավորված շրջայց են իրականցրել հիշյալ տեղերում։

Նաև նշենք, որ արդեն մեկ տարի է թանգարանը չունի տնօրեն, նախկին տնօրենը հնագետ, ուրարտագետ Միքայել Բադալյանն էր, ով թանգարանում  աշխատում էր 2009 թվականից՝ սկզբնական փուլում որպես կրտսեր գիտաշխատող։

«Էրեբունի» պատմահնագիտական արգելոց-թանգարանի  տնօրենի թափուր պաշտոնի համար  ապրիլի 8-ին նշանակված մրցույթում հաղթող չի եղել։ Հաջորդ մրցույթը նշանակված է հունիսի 27-ին։ Իսկ թանգարանն այս պահին ժամանակավորապես տնօրինում է թանգարանի գլխավոր ֆոնդապահ Անահիտ Թելունցը։

Շրջայցի ժամանակ ինչպես ավագանու «Մայր Հայաստան» խմբակցության ղեկավար Մանուկ Սուքիասյանը, փորձագետ Սոնա Աղեկյանը, այնպես էլ մեր նկարահանող խումբը զրուցել և դիտարկումներով է կիսվել Անահիտ Թելունցի հետ։ Ի թիվս շատ հարցերի, նաև հարցեր են ուղղվել նախկին տնօրենի պաշտոնավարման ընթացքում եղած ձեռքբերումների, թանգարանի բարձր վարկանիշի մասին, որին ի պատասխան, Թելունցը մատնացույց անելով թանգարանի վնասված առաստաղը նշել է՝ «սա՞ է Միքայել Բադալյանի բարձր նիշը»։
 

Շրջայցի ժամանակ արված տեսագրությունը՝ այստեղ։

Միքայել Բադալյանի ամբողջական հարցազրույցը՝ այստեղ։