Մինչև ե՞րբ է այս վիճակը շարունակվելու, տնտեսվարողները միլիոնավոր դոլարի վնասներ են կրում․Գառնիկ Դանիելյան

Կոնյակ արտադրող մեր գործարարների բեռների տարանցիկ գնալը դեպի ԵԱՏՄ տարածք, բալթյան երկրներ, Վրաստանում ապօրինաբար խոչընդոտվում է։ Ազգային ժողովում հայտարարեց «Հայաստան» խմբակցության պատգամավոր  Գառնիկ Դանիելյանը։

Նա նշեց, որ էկոնոմիկայի նախարարը մի քանի անգամ խոստացել է՝  հարցին լուծում կտրվի, սակայն մինչ օրս որևէ լուծում չի տրվել։

«Տնտեսվարողները կրում են միլիոնավոր դոլարների վնասներ։ Խաղողագործներից դիմումներ եմ ստանում, որ այսպես շարունակվելու դեպքում ստիպված կլինեն քանդել իրենց  այգիները: Մարդիկ պայմանավորվածություններ ունեն խոշոր սուպերմարկետների, խանութների ցանցի հետ, այդ պայմանավորվածությունները չկատարելու  պարագայում ստիպված են բավականին մեծ գումարներ վճարել, կանգնած են փակման շեմին, հազարավոր քաղաքացիները աշխատանքի խնդիր կունենան»,- ասաց Դանիելյանը։

Մանրամասն՝ տեսանյութում։