Կռունկ բնակելի թաղամասը՝ վստահություն կառուցելու օրինակ․ «Արտքոմփանի»-ի հերթական հաջողված նախագիծը

«Արտքոմփանի» կառուցապատող ընկերությունը պաշտոնապես բացեց Կռունկ բնակելի թաղամասը՝ Երևանի Աջափնյակ վարչական շրջանի Գրիգոր Հասրաթյան 15 հասցեում։

Միջոցառմանը ներկա էին պետական այրեր, թաղամասի կառուցապատման աշխատանքներում ներգրաված մասնագետներ, գործընկեր կազմակերպություններ և թաղամասի բնակիչներ:

Կռունկ թաղամասի շինարարությունն իրականացվել է 2020 թվականից։ Թաղամասը ներառում է 14-հարկանի 3 նոր շենք՝ 273 հարմարավետ բնակարաններով, որոնց մեծ մասը գնված է,  կոմերցիոն տարածքներ, 192 ստորգետնյա ավտոկայանատեղի, կանաչապատ ու ընդարձակ բակեր, ֆուտբոլի դաշտ, խաղահրապարակներ, զրուցարաններ, սպորտային ու հանգստի գոտիներ։ Նախագիծն աչքի է ընկնում բարձր սեյսմակայունությամբ (9+ բալ) և ժամանակակից ինժեներատեխնիկական լուծումներով։

«Կռունկ»-ը «Արտքոմփանի»-ի կարևորագույն նախագծերից է, որն ըստ կառուցապատողի՝ իրականացվել է մեծ պատասխանատվությամբ, պրոֆեսիոնալ մոտեցմամբ ու ժամանակակից չափանիշներին համապատասխան:

Միջոցառման ժամանակ շնորհակալագրեր հանձնվեցին թաղամասի կառուցապատման աշխատանքներում իրենց մեծ ներդրումն ունեցած մասնագետներին և գործընկեր կազմակերպություններին։
Ի դեպ «Արտքոմփանի» կառուցապատող ընկերությունը, ավելի քան 12 տարի, իրականացնում է բնակելի և կոմերցիոն համալիրների կառուցապատում, ինչպես նաև քաղաքաշինական նախագծերի կառավարում:

«Արտքոմփանի»-ի կառուցած բնակելի համալիրները միավորում են որակը, հարմարավետությունը, ժամանակակից ճարտարապետությունը և հասանելի գնային ռազմավարությունը:

Ընթացքի մեջ են նոր շինարարական նախագծեր, որոնք շատ շուտով կդառնան քաղաքի անբաժան մասը.

- Գյուրջյան կասկադ (Նոր Նորք, Գյուրջյան 14/1, շինավարտը՝ 2028 թ.)

- Firdus Prime Residence (Փոքր Կենտրոն, Տիգրան Մեծի պող. և Խանջյան փող., շինավարտը՝ 2027-2028 թթ ըստ շենքերի)

- Անտառ բնակելի համալիր (Արաբկիր, Աղբյուր Սերոբի 44-48, շինավարտը՝ 2025 թ. վերջ)

- Անի պրեմիում (Արաբկիր, Ն. Ադոնցի 19/4, շինավարտը՝ 2027 թ.)

- Մամիկոնյանց համալիր (Արաբկիր, Մամիկոնյանց 30/1, շինարարությունն ավարտված է)։