ՍԱՏՄ-ն հաստատել է Ագրարային համալսարանի ՈՒՓՏ-ում բրուցելոզի դեպքերը

Yerkir.am-ն օրեր առաջ տեղեկատվություն էր հրապարակել Հայաստանի ազգային ագրարային համալսարանի Բալահովիտ ուսումնափորձնական տնտեսությունում խոշոր և մանր եղջերավոր կենդանիների բրուցելոզով վարակման մասին:

Yerkir.am-ը հարցում էր ուղարկել Սննդամթերքի անվտանգության տեսչական մարմնին՝ պարզելու հիվանդության հետ կապված մանրամասները: Կարծում ենք, որ ընթերցողներին ևս կհետաքրքրի իմանալ կենդանիների վարակման պատճառները, հիվանդ կենդանիների հետագա ճակատագիրը, ինչպես նաև արդյո՞ք կիրառվում են սահմանափակումներ ուսանողների և դասախոսների ֆերմաներ այցելության հետ կապված:  

ՍԱՏՄ-ն պատասխանել է մեր հարցմանը, հաստատելով, որ տնտեսությունում բրուցելոզ է ախտորոշվել 7 մանր և և 1 խոշոր եղջերավոր կենդանիների մոտ: Հիվանդ կենդանիները ենթարկվել են սանիտարական մորթի:

Զավեշտն այն է, որ եթե հավատանք ԿԳՄՍ նախարար Ժաննա Անդրեասյանի և ռեկտոր Հրաչյա Զաքոյանի՝ բուհի «աննախադեպ» զարգացման մասին հավաստիացումներին, պետք է, որ համալսարանի ուսումնափորձնական տնտեսությունը լիներ օրինակելի և հնարավորինս զերծ նմանատիպ հիվանդություններից: 

Հիշեցնենք, որ բրուցելոզը զոոնոզ հիվանդություն է, վարակը մարդկանց փոխանցվում է վարակված կենդանիներից: